Ul lec’h bamus nepell diouzh Karaez
15 km zo, a-boan, etre Karaez hag unan eus al lec’hioù bamusañ e Breizh. Savet eo bet Traoñienn ar Sent e Karnoed, hanter hent etre Karaez ha Kallag, tro-dro d’ur beg-douar ma’z eus ur gwel dreistordinal war ar maezioù e Kreiz-Breizh.
E 2009 e oa bet savet an delwennoù ramzel kentañ, pep a hini evit ar seizh sant diazezer breton, tro-dro d’ar voudenn feodel e krec’h an dosenn. Bremañ ez eus ouzhpenn kant delwenn da zedennañ ar weladennerien ha d’ober dezhe en em soñjal.
En ur ober ouzhpenn pemzek vloaz ez eus bet tost da dri milion a dud kurius o pourmen dindan selloù kevrinus ar ramzoù greunit-se.
Gweladenniñ al lec’h zo un dro gaer ma c’hall Yann vakañsour tremen un hanter-devezh brav oc’h ober anaoudegezh gant istor an tudennoù dreistordinal-se, ha diskuizhañ en un endro dibar.
Ul lec’h dedennus eo ivez abalamour ma vez graet labourioù eno dalc’hmat evit kas ar raktres bras-se war-raok. Pal ar chanter divent-mañ eo sevel, war dermen, 1000 delwenn, pep a hini evit an holl sent vreton !
Cdb Aa1142 Derennes Yannick
Cdb Aa1126 Derennes Yannick
Cdb Aa1132 Derennes Yannick
