E kroashent an istor
Ar vro anvet “Poc’hêr” a glot gant tachenn istorel Kerne-Uhel, en em astenn hiziv an deiz en argoad an tri departamant Penn-ar-Bed, Aodoù-an-Arvor hag ar Mor-Bihan. A-holl-viskoazh eo bet ar rannvro-se ur c’hroashent pouezus. Da gentañ-penn eo eno, lec’h m’en em groazie ur rouedad hentoù roman, e voe savet kêr Vorgium en Henamzer. Ha just a-walc’h e voe roet un anv all dezhi goude-se – Carofes, diwar ar ger latin “carruvium”, ar c’hroashent.
Diwezhatoc’h e teuas da vezañ kêr ar foarioù, gant marc’had ar c’hezeg hag hini al loened, abalamour ma oa ur gêr greiz. Hag evit ar memes abeg e voe choazet Karaez da groashent ar Rouedad hentoù-houarn vreizhat e dibenn an XIXvet kantved. Er bloavezhioù 1960 e oa bet dispennet al linennoù-se hag e dibenn ar bloavezhioù 2000 e voent troet e hentoù glas. Evel-just emañ Karaez e kroashent an hentoù-se, ha war ribl ar Ganol Naoned-Breizh emañ war un dro, e kornôg Breizh.
Hiziv evel gwechall ? Hiziv an deiz eo ar Poc’hêr ul lec’h bodadegoù bras adarre, gant Festival an Erer Kozh ha gant al Leurenn Glenmor, lec’h ma vez aozet muioc’h-mui a seminarioù.
La Foire aux chevaux devant l'Eglise Saint-Trémeur
Le Pont "Gaulois", ancienne voie romaine à Plounévézel
Carte postale ancienne du train à vapeur à la Gare de Carhaix
Port-de-Carhaix : le canal et la gare
