Ur pennad istor hir
364 km hirder eo ar ganol a dremen a-dreuz argoad Breizh evit liammañ Naoned ouzh Brest. Ur gwir lec’h peoc’hus eo hag a oa bet toullet en ur chanter ramzel en hanterenn gentañ eus an XIXvet kantved.
Graet e oa bet evit an ekonomiezh koulz hag an arme. Ar brezel a oa etre Napoleon ha Bro-Saoz, gant-se e oa ret kas pourvezioù betek porzh Brest ar buanañ ar gwellañ. Un hent talvoudus-bras eo bet evit ar c’henwerzh e Kreiz-Breizh ivez : kas ar maen-glas, ar c’hoad, danvezioù al labour-douar…
Krog e oa da vont war ziskar adal m’en em gavas an tren er vro hag echu e oa an traoù da vat ur wech savet ar stankell dourdredan e Gwerledan e deroù an XXvet kantved. Diwar neuze e oa torret al liamm etre Naoned ha Brest.
Hiziv an deiz e c’haller gwelet roudoù eus an amzer dremenet-se a-hed ar ganol. War-lerc’h Redon ha Josilin e tremener e-kreiz Pondi, lesanvet Napoleonville.
Etre lenn Gwerledan ha Karaez e c’haller gwelet an Trañche brudet e Groñvel. Eno e oa bet 4 000 galeour o toullañ e-pad 9 bloaz un trañche bras a-hed 3 km, war linenn an doureier etre ar Blavezh hag ar Stêr-Aon.
Ouzhpenn un dachenn naturel ez eo ar Ganol ur pennad eus istor an dud ivez.
Pause pique-nique lors d'une balade à vélo en famille, devant l'Abbaye de Bon-Repos
Carte de la construction du Canal de Nantes à Brest avec ses affluents, et de celui d'Ille-et-Rance,
Péniche, accueillant l'Office de tourisme à Pontivy, sur le Canal de Nantes à Brest
Panneau indiquant un pont aux cyclotouristes pour enjamber le Canal de Nantes à Brest
