Teñzorioù ar Poc’hêr

Da vare gouel an Erer kozh, sur a-walc’h, ho peus klevet kaozeal eus Karaez evit ar wech kentañ ? N’hon eus ket heg ouzhoc’h rak, e gwirionez, un abadenn a bouez bras eo ar festival e Kalon Breizh. Mont a ra d’ober ur gwir zor da zont tre er Poc’hêr, ur c’hornad dianavezet peurliesañ. Ar weladennerien, souezhet gant ar c’hemm bras-se, a ra anaoudegezh neuze gant Kreiz-Breizh, ur vro dianav dezhe, eus Menez Are betek Traoñienn ar Sent, ma kaver gweledvaoù ha gladoù dibar. Lec’hiet mat-tre eo ar Poc’hêr, ma teu an Hentoù Glas da groziañ ar Ganol Naoned-Brest. Deuet eo da vezañ baradoz ar valeerien war varc’h-houarn pe war droad, ha mat eo evit adkavout nerzh pa chomer ennañ ur pennad amzer.